नेपाली हास्यव्यङ्ग्य अनलाइन पत्रिका

मानिसहरू –
मोजा लगाउन भन्दा पहिला- सुँघ्छन्
आफ्नै काखि कन्याउछन- सुँघ्छन
गुप्ताँङ्गतिर हात लैजान्छन
र पुनः
त्यही हात नाकसम्म पुर्याउछन
दाँतको काई निकाल्छन र
धित मर्नेगरी- सुँघ्छन

शरीरमा आएको लुतो
मजा मानी मानी कन्याउछन र
नङभित्र पसेका खोस्टाहरू
अर्को नङले निकाल्दै- खुशी हुन्छन्

नाकमा सजिलै औँला छिराउछन र
प्रेमले सिँगान निकाल्दै- हलुका हुन्छन
कहिलेकाहीँ –
स्वाँक्क गरेर भित्रै तान्छन र निलिदिन्छन

खकारलाई –
धेरैबेरसम्म मुखभित्रै खेलाईरहन
कत्ती घिनाउदैनन
आँखाका चिप्राहरू-
बिस्तारै निकाल्छन र हेरिरहन्छन !

घाउका खाटाहरू-
कत्ति घिन नमानी कोट्याईरहन्छन
घाँटी माड्छन र निस्केको मयललाई
डल्लो पारिपारि खेलाउछन

मान्छेहरू –
आँफूलाई कत्ति प्रेम गर्छन है !

कलङ्की, काठमाडौं