दुष्यन्त भट्टराईडुबोस् देश के भो म सत्ता नछाडूँ
कथङ् छोड्न पर्ने भए छोड्छु साथी भनून् भन्न सक्छन् मलाई नजाती फुटाएर पार्टी विरोधी पछारूँ डुबोस् देश के भो म सत्ता नछाडूँ !!
विदेशी नआए स्वयं मार्ग दिन्छु
उता रूप फेर्दै म नारा उराल्छु
जता जेसुकै होस् कुराले म फाँडूँ
डुबोस् देश के भो म सत्ता नछाडूँ !!
प्रजामा थुपारेर कर्जा असाध्यै
म जानेछु छिट्टै त्यहीँ भोट माग्दै
नजित्ने भए के? म कोटा नछाडूँ
डुबोस् देश के भो म सत्ता नछाडूँ !!
कथङ् छोड्न पर्ने भए छोड्छु साथी
भनून् भन्न सक्छन् मलाई नजाती
फुटाएर पार्टी विरोधी पछारूँ
डुबोस् देश के भो म सत्ता नछाडूँ !!
कुरा अर्बको हो कहाँ लाखमात्र ?
भजाएर आफ्नो लिनैपर्छ भाग
त्यसैले म कुर्सी नछाडूँ नबाडूँ
डुबोस् देश के भो म सत्ता नछाडूँ !!
म लेखूँ स्वयं टिप्पणी छल्नलाई
विरोधी स्वयं थाल्दछन् गल्नलाई
उता अर्ब आओस् यता पर्व मानूँ
डुबोस् देश के भो म सत्ता नछाडूँ !!
मेनपा १३, चारआली, झापा
Subscribe
Login
0 Comments
Oldest
