दुष्यन्त भट्टराईहाम्रा आदर्शका छहारी
मान्छे अनेक हुन्छन् व्यक्तित्व भिन्न हुन्छ खोजी गरे अलग्गै देखिन्छ चिह्न हुन्छ त्यस्ताहरू भनेकै संस्कारका पुजारी हुन् वृद्ध श्रेष्ठ हाम्रा आदर्शका छहारी ।
दुष्यन्त भट्टराई :
प्राणीहरू सबैको ऊर्जा सदैव पानी
पानीबिना कसैको चल्दैन जिन्दगानी
त्यस्तै अमूल्य बुझ्दा होला सही चिनारी
हुन् वृद्ध श्रेष्ठ हाम्रा आदर्शका छहारी ।
आदर्श पात्र जो छन् हाम्रो समाजभित्र
देखेर चित्त आफै तैयार कोर्न चित्र
निःस्वार्थ प्रेम गर्छन् सद्भावका भकारी
हुन् वृद्ध श्रेष्ठ हाम्रा आदर्शका छहारी ।
माता पिता दुवैको पाएर काख यस्तो
जो हो निवास हाम्रो लाग्दै छ स्वर्ग जस्तो
आऊन् जुनै समस्या दिन्छन् सबै लघारी
हुन् वृद्ध श्रेष्ठ हाम्रा आदर्शका छहारी ।
माछा नदी किनारा तड्पेर उफ्रिएझैँ
माता पिताबिना को बस्छन् यहाँ खुसीभै
सन्ताननिम्ति जो छन् जित्ने सदैव हारी
हुन् वृद्ध श्रेष्ठ हाम्रा आदर्शका छहारी ।
मान्छे अनेक हुन्छन् व्यक्तित्व भिन्न हुन्छ
खोजी गरे अलग्गै देखिन्छ चिह्न हुन्छ
त्यस्ताहरू भनेकै संस्कारका पुजारी
हुन् वृद्ध श्रेष्ठ हाम्रा आदर्शका छहारी ।
०००
झापा, हाल बेलायत
भक्तपुर बुढ्याैैली समाजकाे छन्द अभ्यासबाट सुटुक्क
Subscribe
Login
0 Comments
Oldest
