नेपाली हास्यव्यङ्ग्य अनलाइन पत्रिका

के थाहा तिमीलाई
मेरा लागि जीवनका मूल्य
खास् छन् भनेर,

थाहा छैन तिमीलाई
महलमा होइन संघर्षमा
मेरा बास छन् भनेर ।

देखाउँछौ तिमी
बनावटी र कृत्रिम
चित्रहरू,

थाहा छैन तिमीलाई
मेरो मुटु र मन
तिम्रा लागि खास छन् भनेर ।

ठूला-ठूला किताबका ठेलीहरूमा
जीवन खोज्छौ तिमी निरन्तर,
के थाहा तिमीलाई
शूक्ष्म अनुभूतिहरूमा
अमर स्वास छन् भनेर ।

आऊ कृत्रिमता छोडेर
बनाउँ प्रेमको घर प्रिय,
बुझ अब कण कणमा
परमाणु शक्तिका राज छन् भनेर ।

चितवन, हाल : अमेरिका