बिन्दु दहाल ‘मूकदर्शक’छोटा लगाइन् लुगा
तान्छिन् मस्त युवा र वृद्ध जन ती औकात बिर्सी खुबै ए चेली नखरा नपार यसरी भन्दै छ तोता सुगा पूरा लाज नछोपिने तर कठै छोटा लगाइन् लुगा ।
मान्छे छिन् कति सुन्दरी सुरसिली बोली मिठो सुन्दछु
आँखा नाक चिटिक्क पुष्ट तनकी आहा भनी गुन्दछु
सारा ट्याटु म देख्छु किन्तु उनका तिघ्रा डँडाल्ना भुजा
पूरा लाज नछोपिने तर कठै छोटा लगाइन् लुगा ।
लामो केश नितम्बसम्म उनको सर्ल्लक्क झर्ने तर
औ ँलामा नङ छन् छ इन्च जतिका छ्न् शुभ्र लामा कर
आफ्ना अङ्ग सबै उदाङ्ग जहिले संस्कार पार्छिन् रुजा
पूरा लाज नछोपिने तर कठै छोटा लगाइन् लुगा ।
कालो केश गरेर ड्राइ उनले खैरो बनाएपछि
आफ्नो रूप बदल्न अत्तर छरी टाढै गनाएपछि
मान्छे हुन्छ हुँदैन वास्तविकता बन्ला कि उल्टै मुजा
पूरा लाज नछोपिने तर कठै छोटा लगाइन् लुगा ।
औँठी छन् उनका हिरा र सुनका प्रत्येक औँलाभरि
पारी प्वाल नयाँ लुगा सब सकिन् बन्ने हुँदा नम्बरी
लाली होइन ओठ कृष्ण रङले कालो बनाइन् लु जा !
पूरा लाज नछोपिने तर कठै छोटा लगाइन् लुगा ।
छाती ह्वाङ्ग गरी हिँडी सडकमा आँखा नचाई दुवै
तान्छिन् मस्त युवा र वृद्ध जन ती औकात बिर्सी खुबै
ए चेली नखरा नपार यसरी भन्दै छ तोता सुगा
पूरा लाज नछोपिने तर कठै छोटा लगाइन् लुगा ।
पढ्छिन् शास्त्र विशिष्ट फेसबुकको पूजा त्यही आरती
गर्छिन् च्याट युवा समूह उनका हुन्छन् खडा सारथि
जान्छिन् होटल बार डुल्न सँगमै लोग्ने प्रवासी हुँदा
पूरा लाज नछोपिने तर कठै छोटा लगाइन् लुगा ।
०००
दमक, झापा
Subscribe
Login
0 Comments
Oldest
