नेपाली हास्यव्यङ्ग्य अनलाइन पत्रिका

उखु जस्तो पनि मै छु, उखु नै हैन तै पनि
शिरमा धान छ मेरो, धानै त हैन मै पनि

वस्त्र बेरेर घोगामा, लाज ढाकिरहेछु म
सारा गरिबको भोक, मेट्न ‘मकै’ भएछु म

कैलो, कैलो जुँगा मेरो मात्र श्रृङ्गार हो अर !
पैला पैला ठूला आलु, जरामा फल्दथे अरे !

हराए अब ती छैनन्, घोगा मात्रै छ ढाडमा
भीरमै रोप जे होग होगा “साला पहाडमा” !

पोलेर खानू या भुट्नू, उसिन्नू कि पकाउनू
कोपर्नू कि दाँतैले, दूधे खानू, अघाउनू

ठूला-ठूला फुला टिप्दै, मुलासिर बुताउनू
हालेको दाँत फुस्केला, ठेला भो, नचपाउनू !

मकै, भटमास क्या मीठो ! बदाम या चनासित
बकुल्लासित मिसिन्छ, बैर राख्दैन कोहीसित

‘मकै’ भन्छ- “म के हैन ?” सारा संसार डुल्छु म
हाँडीमा भुट या माइक्रोवेभमा भुट, फुल्छु म !

०००

हाल, बेलायत