नेपाली हास्यव्यङ्ग्य अनलाइन पत्रिका

नवराज कार्की :

लुट राम्रो, चोरी राम्रो – दिलको मामिलामा
बल भन्दा, कमजोरी राम्रो – दिनको मामिलामा
घर राम्रो, नै मुहार राम्रो – दिनको मामिलामा
जित भन्दा त, हार राम्रो – दिलको मामिलामा
नजर पनि छड्‌के राम्रो – दिलको मामिलामा
चोर त झन्, पटके राम्रो – दिलको मामिलामा
आगजनी नि, राम्रो  भन्छन्- दिलको मामिलामा
लागोस् आगो दन्‌दनी – दिलको मामिलामा
चक्रवात्‌को सुरुवात राम्रो – दिलको मामिलामा
घुमोस् पृथिवी फनफनी – दिलको मामिलामा
जे अपहरण, त्यै फिरौती – दिलको मामिलामा
न केही कसुर, न केही फिराद – दिलको मामिलामा
न कोही वारिस, न केही हद म्याद – दिलको मामिलामा
न धरौटी, न केही कागजात – दिलको मामिलामा
न सर्जमिन, न केही वारदात – दिलको मामिलामा
तारिख उपर, तारिख मिलोस् – दिलको मामिलामा
मुद्दा माथि, मुद्दा चलोस् – दिलको मामिलामा
इजलास नहोस्, बयान नहोस् – दिलको मामिलामा
साक्षी नहोस्, प्रमाण नहोस् – दिलको मामिलामा
तपस्वी नि, फसेका छन् – दिलको मामिलामा
सुन्दरी जेल बसेका छन् – दिलको मामिलामा
सबै कैदी, सबै बन्दी – दिलको मामिलामा
कैदी, बन्दी, क्या, आनन्दी – दिलको मामिलामा
दिल कुमार न, दिल कुमारी – दिलको मामिलामा
आजन्म होस्, कैद सजाय – दिलको मामिलामा
छैन अरु कुनै उपाय – दिलको मामिलामा ।

०००
अमेरिका