नेपाली हास्यव्यङ्ग्य अनलाइन पत्रिका

नवराज कार्की :

तिम्ले सकेनौ उसले सक्यो, डाढ गरेर भो ?
साहसी थ्यो, हिमाल चढ्यो, डाढ गरेर भो ?

पहिले कसैले यो बाटोमा टाँगिदिएछ डोरी
त्यै समाउँदै अघि बढ्यो, डाढ गरेर भो ?

तिमी डरायौ पानी सित, पानीमरूवा भयौ
आगो सित उही लड्यो, डाढ गरेर भो ?

हेर ! उसले फहराएको, चन्द्रसूर्यको ध्वजा !
शंख बजायो, मन्त्र पढ्यो, डाढ गरेर भो ?

नयाँ दिनको शंखनाद, सूर्योदयको बिहान !
मेरो पनि शुभकामना छ यो, डाढ गरेर भो ?

०००
अमेरिका