नवराज कार्कीसबै आउँछ उसलाई त्यै, देश बनाउन पो, आँउदैन
बिना स्वार्थ कसैले कसैलाई रातो चिया त. खुवाउँदैन “सित्तैँमा बनाई दिन्छु देश” भन्छ मेरो आत्माले त पत्याउँदैन देशै बनाउन ऊ हिँडेको पनि, आधा शताब्दी भयो सबै आउँछ उसलाई त्यै, देश बनाउन पो, आँउदैन
नवराज कार्की :
१.
कहिलेकहीँ, यस्तो पनि लेख्नुपर्छ
कान छन् ठाडा, आँखा हुन् चनाखा, देख्नुपर्छ
देश बनाउँछौं भन्नेले बम हान्छन्, देश बनेन भन्नेले आगो लगाउँछन्
भन्दिन भो, मैले त, यो जाडोमा त्यही आगोमा हात सेक्नुपर्छ ।
२.
“सातपल्ट हुन्छस्” भन्नेले, किन भनेन– यो बाह्रटाँकाको कुरा ?
सुन्न पनि मन छैन मलाई त त्यो, ज्योतिष भनाउँदो, डाँकाको कुरा
उत्ता त्यो AI ले धोका दियो, यता यो डल्ले भाइले धोका दियो
हेर्न त हेरेको थिएँ नि, मैले पनि त्यो श्रीलङ्का र ढाकाको कुरा ।
३.
बिना स्वार्थ कसैले कसैलाई रातो चिया त. खुवाउँदैन
“सित्तैँमा बनाई दिन्छु देश” भन्छ मेरो आत्माले त पत्याउँदैन
देशै बनाउन ऊ हिँडेको पनि, आधा शताब्दी भयो
सबै आउँछ उसलाई त्यै, देश बनाउन पो, आँउदैन ।
४.
सरकारले नै खोलेको छ, “बैदेशिक रोजगार विभाग”
छैन, आपत्तिपत्र (NOL) नै हो, युवाको नि माग
ज्वाइँ खोज्दा होस् कि त, बुहारी रोज्दा होस्
पि.आर.मै त केन्द्रित छ हाम्रो, अहिले–नेपाली दिमाग ।
५.
उसका बा–आमा उता गएको छ चोटी भयो
उसका बा–आमा त्यता गएको बाह्र चोटी भयो
जसका बा–आमा एकचोटी पनि, कतै जान पाएका छैनन्
भएन त ? भयो उसलाई, निकै छट्पटी भयो ।
०००
१२–४–२०२५
अमेरिका
Subscribe
Login
0 Comments
Oldest
