बिन्दु दहाल ‘मूकदर्शक’यो समाज
अतिचार पैदा भयो देश भित्र थिति ऐन सारा मरेछन् विचित्र दबिए दुखीका व्यथाका अबाज असमान हाम्रो भयो यो समाज ।
धनको छ मान्छेहरूमा रवाफ
दिनरात खान्छन् धनीले कबाफ
अहिले यहाँ छन् अनेकौँ तमास
असमान हाम्रो भयो यो समाज ।
कति भोकमा छन् रुँदै सुत्न बाध्य
न छ वस्त्र छाना छ पीडा असाध्य
जिउँदै मरेतुल्य पार्छन् हतास
असमान हाम्रो भयो यो समाज ।
सरकार हाम्रो समस्या थुपार्छन्
ढिकुटी सबैले सकेसम्म भर्छन्
जनताहरू खालि आफैँ नबाझ
असमान हाम्रो भयो यो समाज ।
अवगाल बढ्छन् जतै देख्छु भ्रान्ति
युवती युवा माग्दछन् फेरि क्रान्ति
कति सुन्नु फोस्रा कुराका धमास
असमान हाम्रो भयो यो समाज ।
अतिचार पैदा भयो देश भित्र
थिति ऐन सारा मरेछन् विचित्र
दबिए दुखीका व्यथाका अबाज
असमान हाम्रो भयो यो समाज ।
०००
दमक, झापा
Subscribe
Login
0 Comments
Oldest
