नेपाली हास्यव्यङ्ग्य अनलाइन पत्रिका

भानुभक्तले लेखेको
लङ्का कस्तो हुँदो हो ?
‘गल्ली जो छन् सुनैका’
कति मनोरम भव्य हुँदो हो ?

आज टाट पल्टेको लङ्का
अपत्यारिलो किंवदन्ती हो
या राज्य भिकमङ्गाको,
व्यक्ति सुनले मोटाएको हो ?

काठमाडौँको सुनको बजार
लङ्काको राम्रै झल्को दिन्छ
अरबौँको सुनको व्यापार !
अचम्म लाग्दो देखिन्छ ।

विशाल सुनका बजार छन्
मान्छेको धक्कम धक्का
विपन्नताको यो टापूमा
सपन्नताको कस्तो खेल छ ?

भाइ टीकाको मेलोमा
सुनको बजार चम्केको
नुन नपाउने देशमा
कत्रो सुनको खेल हो ?

०००
कार्तिक ५, २०७९
दाङ