नेपाली हास्यव्यङ्ग्य अनलाइन पत्रिका

देश निम्ति सशरीर अर्पण गर्छन् त शहीद
परिवर्तन छ ल्याउन रहेन यो कुनै विवाद ।१

राणाको देशमा तानाशाही कुशासन
हटाउन लागेका वीर जो योग्य नडरिकन ।२

विरोधी जो भनेका मानिस ती बलिदानमा
रात्री हटि उज्यालो हुने गर्दछ बिहानमा ।३

कायर र हत्यारा मार्ने गर्छन् मनुष्य त
बलिदान दिन नसके शार हुन्छ के असम्मत ।४

लुटेर खानमा खल लागिपर्छन् त कुशासन
जनको हितमा लाग स्वच्छ हुन्छ यो प्रशासन ।५

परोपकार जनको कर्तव्य गर्दै समयको
सबैमा सुख र शान्ति कल्याण हुन्छ विजयको ।६

शहीद गहना मनका निडर वीर चढे फाँसी
लुटेराले प्रसस्त लुटेका छन् घुँडा धसी ।७

गणतन्त्र भनियो जो अपमान हो शहीदको
भाँडतन्त्र शहरिया भएन खै कहिले निको । ८

०००
चितवन