तीर्थराज अधिकारीतीन ठोक्तक
आफ्नो उपस्थितिको कुनै मतलब हुँदैन भने बेरोजगार भए होला मेलो खोज्दै गइँदैन ।
१.
हर बखतको गुन-गुन बनिदिन्छु
सारङ्गीको सुरिलो धुन बनिदिन्छु
सिङ्गै मनभित्र नअटाए भन प्रिय !
रुप विनाको मजबुन बनिदिन्छु ।
२
खरबारीको झार हुँदो हुँ त धुरीमा बास हुन्थ्यो
वट वृक्ष भए पनि एक्ले पिपलको आस हुन्थ्यो
आफू त दुबो भइएछ कतिले कुल्चने हुन् आखिर !
थोरैको पैतला परेदेखि अलिकति अहसास हुन्थ्यो ।
३.
स्वाभिमान गुमाएर अपमान सहिँदैन
अवीर खाद लाउँदैमा ठूलोबडो भइँदैन
आफ्नो उपस्थितिको कुनै मतलब हुँदैन भने
बेरोजगार भए होला मेलो खोज्दै गइँदैन ।
०००
पोखरा-१०, हाल- संयुक्त राज्य अमेरिका
