हेम अधिकारीक्षमा दिने पशुपति
पुराना हिसाब खोतलेन पुराना घाउ कोट्याएन ढुङ्गा हान्नेलाई फूलका माला दियो धर्म अफिम भन्नेलाई ईश्वर मिथ्या भन्नेलाई आफ्नै चरणमा झुकाई छाड्यो ।
उमा शर्मा :
पशुपति हो
सबैलाई क्षमा दियो
पशुलाई क्षमा दियो
मान्छेलाई क्षमा दियो
अनि
पशु जस्ता मान्छेलाई पनि क्षमा दियो ।
पशुपति हो
क्लेश राखेन
द्वेष राखेन
मर्नेलाई सुत्न ब्रह्मनालको
बिछयौना दियो
मार्नेलाई पाप पखाल्न
बगिरहने बागमती दियो ।
पशुपति हो
केही बोलेन
पुराना हिसाब खोतलेन
पुराना घाउ कोट्याएन
ढुङ्गा हान्नेलाई
फूलका माला दियो
धर्म अफिम भन्नेलाई
ईश्वर मिथ्या भन्नेलाई
आफ्नै चरणमा झुकाई छाड्यो ।
०००
नर्थ क्यारोलाइना, अमेरिका
Subscribe
Login
0 Comments
Oldest
