नेपाली हास्यव्यङ्ग्य अनलाइन पत्रिका

राजेशराज गड्तौला :

१.
आफन्त जति काखी च्याप्छु, म हूँ नेता देशको,
बेकार किन मतलब गर्नु भाषा भेषको ?

२.
आकाशैमा तारा टल्के, यो रात परेको बेला,
म चाहिँ हिडेँ पोथी खोज्न तल्ला गाउँको मेला ।

३.
लुटेँ, खोसेँ, भण्डार भरेँ, तिमीलाई के को चासो,
देशको एउटा नेता हुँ म, कसले थाप्ने पासो ?

४.
घरमा जेठी राखेर बाहिर कान्छी राख्छु,
राजनीति गर्ने मान्छे म, सबथोक चाख्छु ।

५.
घरको दुःख हटाउन लोग्ने गयो कमाउन खाडीमा,
लोग्नेले कमाइ खर्च गर्दै श्रीमती अर्कैसँग गाडीमा ।

०००
काँडाघारी, काठमाडौं