नेपाली हास्यव्यङ्ग्य अनलाइन पत्रिका

दिप मंग्राती :

“टिकटकलाई प्रतिबन्ध लगाए जस्तै, यो लघुकथालाई पनि प्रतिबन्ध लगाउनु पर्ने भयो नेताज्यू !”
“यो जाबो कथाले के गरेको छ र त्यस्तो प्रतिबन्ध नै लगाउनु पन ?”
“यो त झन् टिकटक भन्दा पनि खतरनाक छ नि हजुर !”

“टिकटकले त खासै के गर्‍याथ्यो र…?”
“भिडियो बनाउदा केही भिरबाट खसे होलान्, केही नदीमा झरे होलान्, नत्र रमाइलै थियो नि !”
“कसैको जोक हेर्न पाइन्थ्यो, कसैको भोक त कसैको सौन्दर्य हेर्न पाइन्थ्यो ! रमाइलै थियो नि हजुर !”
“लघुकथाले त गर्नैसम्म गर्‍या छ, नाङ्गेझार नै पार्‍या छ ।”
“कसैलाई छोड्या छैन नि हजुर !”

“साइबर कानुन लगाएर कलममा कैँची लगाउदा भइहाल्यो नि त !” कुन ठुलो कुरो भयो, कानुन बनाउने आफ्नै हातमा छ केर !”
“त्यही त अप्ठ्यारो हजुर ! किटेरै लेख्दैनन्, खाली फलानोले, फलानाको, फलानोजस्तो भनेर घुमाएर लेख्छन् ।” “पुर्पुरोमा लागेर पनि नदुख्या जस्तो गर्नु पर्‍या छ ।”
“सेन्सर लगाए भइगयो त !”

“हैन हजुर, सेन्सरले काम गर्दैन, अब यो फेसबुकलाई पनि प्रतिबन्ध नै लगाउनु पर्ला, न रहे बाँस न बजे मुरली !”
“हुन्न हुन्न ! फेसबुक त प्रतिबन्ध लगाउने कुरै नगर, सोच्दा पनि नसोच तिम्रा बाउले मार्छन् …!”

०००
हाल युके