नेपाली हास्यव्यङ्ग्य अनलाइन पत्रिका

ओम आचार्य :

साँच्चै !
तिनले जन्माएका
हामीले ठानेका/मानेका
तिनका सन्तान
तिनकै नाटकका
अरुहरू नभएर
नायक/नायिका
किन भएका होलान् ?
बरफजस्तै जमेको जिज्ञासा
आकाशबाट ताराहरूले
पटक पटक
आँखा झिम्काएपछि पग्लियो,
मेरा बाबै !
तिनीहरू त
नाजायज सम्बन्धका
अवैध उपज पो रहेछन्
ढाकछोप गरिरहनु पर्ने
लागो मन्साए झैँ
भाग काटेर
भाग छुट्याइरहनु पर्ने
पालैसित
सुनको थालैसित ।

०००
अर्घाखाँची ।