नेपाली हास्यव्यङ्ग्य अनलाइन पत्रिका

ओम आचार्य :

हथौडा पनि सरकार
काँटी पनि सरकार
शरीर हाम्रो
हाम्रा हातहरु
मुर्दावादमा उठिरहेका छन्
हाम्रा खुट्टाहरु जुलुसमा हिँडिरहेका छन्
हाम्रा आवाजहरुले सरकार विरुद्ध
नारा लगाइरहेका छन्
सरकार हाम्रा दुबै हातमा
दुबै खुट्टामा र जिब्रोमा
तै काटी, तै हथौडी
जोडले हान्दै छन्
सरकारको पनि दुई हात छ
हात देब्रे मात्रै चल्छ
देब्रे हातले हथौडा समाएको छ
त्यै देब्रे हातले
हथौडा ठोकिरहेको छ
हामी दाहिने हौँ
मन्दिर परिक्रमा पनि हामी दाहिनेबाटै गर्छौ
घडी पनि दाहिनेबाटै घुम्छ
हामी सनातन
हामी प्राकृत हौं
देब्रे हाम्रा दुस्मन
त्यै भएर
देब्रे हातले
हामीमाथि काँटी ठोक्दैछन् हथौडाले
काँटी पनि सरकार
हथौडा पनि सरकार ।

०००
धरान
फित्काैली (४१, २०८१)