सक्षम र सवल प्रदेश,सुनिश्चित अधिकार

खाओ भाइ हो, खाओ !

गाली, सराप खाओ त्यसैमा रमाओ हाँडीघोप्टे आन्द्रे थैली सकेको फुलाओ सुतिसुती खाओ लुकी लुकी खाओ खानै जन्म्यौ क्या हो ! खाओ भाइ हो, खाओ !!

Nepal Telecom ad

युगल बसेल :

खाओ भाइ हो, खाओ
सकेसम्म खाओ
ललिता निवास खाओ
घरवास आवास खाओ

गिरिबन्धु खाओ
चिया कफी खाओ
सहकारी खाओ
भकारी नै खाओ

ओमनी पनि खाओ
होमनी पनि खाओ
डोमनी पनि खाओ
खाओ भाइ हो, खाओ

शरणार्थी खाओ
भिक्षार्थी नि खाओ
विद्यार्थी झन् खाओ
अरथी देशकै खाओ

अठतीस क्विन्टल खाओ
बत्तीस किलो खाओ
चौबीस क्यारेट खाओ
सुनका लाप्सै खाओ

नदीनाला खाओ
धर्मशाला खाओ
बालु घिची खाओ
ढुङ्गा बेची खाओ

चेला पठाई खाओ
चेली भजाई खाओ
गिदी चुसी खाओ
चोक्टै लुछी खाओ

वाइड बडी खाओ
लाउडा चढी खाओ
खाओ भाइ हो, खाओ
लाद्रो भरी खाओ

यति च्याती खाओ
त्यति विधि खाओ
हसुरेर खाओ
पाँच पुस्तालाई खाओ

कोची कोची खाओ
रोजीरोजी खाओ
गति छाडी खाओ
मति त्यागी खाओ

काटी काटी खाओ
चाटी चाटी खाओ
पोलीभुटी खाओ
खाओ भाइ हो, खाओ

कात्रो किन्दा खाओ
सास गिन्दा खाओ
लास छुँदा खाओ
मर्दा पर्दा खाओ

निचोरेर खाओ
गिजोलेर खाओ
कालआन्द्रे, चिथोरेर
भकुरेर खाओ !!!

गाली, सराप खाओ
त्यसैमा रमाओ
हाँडीघोप्टे आन्द्रे थैली
सकेको फुलाओ

सुतिसुती खाओ
लुकी लुकी खाओ
खानै जन्म्यौ क्या हो !
खाओ भाइ हो, खाओ !!

०००
(सिर्जनास्थल डोटीको खड्यौली, २०८१ पुष ५ गते)
तुम्कोट सन्धिखर्क -१, अर्घाखाँची।

Subscribe
Notify of
guest

2 Comments
Oldest
Newest Most Voted
Inline Feedbacks
View all comments
Buddhi Ram Adhikari
Buddhi Ram Adhikari
1 month ago

समसामयिक विकृतिको चिरफार भएकाे उत्कृष्ट कविता लाग्यो ।

युगल बसेल
युगल बसेल
1 month ago

👍️

Nepal Telecom ad
बेइमानी

बेइमानी

बिन्दु दहाल ‘मूकदर्शक’
ह्वाँहाेरु

ह्वाँहाेरु

होम सुवेदी
बलेको आगाे

बलेको आगाे

डा. छायादत्त न्यौपाने ‘बगर’
मिसन– ८४

मिसन– ८४

हरि कोर्काली
चाकरी

चाकरी

कुमार खड्का
2
0
Would love your thoughts, please comment.x
()
x