बिन्दु दहाल ‘मूकदर्शक’बेइमानी
नदी ताल खोला रुँदै छन् डराई घटेको घट्यै देख्छु हाम्रो तराई सधैँ फाल्छ पासो लुकी राजधानी अझै बढ्न थाले यहाँ बेइमानी ।
बिन्दु दाहाल मुकदर्शक :
बढे तीव्र लार्भा जतै वृक्ष मारे
जरा फेद टुप्पो वृथा नष्ट पारे
सबै खन्चुवा छन् भएनन् इमानी
अझै बढ्न थाले यहाँ बेइमानी ।
खरानी बनाए सबै कारखाना
अझै रिक्त पारे भएको खजाना
जतै प्वाल पार्छन् झुटा छ्न् दिवानी
अझै बढ्न थाले यहाँ बेइमानी ।
लुटेको लुट्यै छन् सधैँ देशलाई
लुटी खान पल्के गरी यी रजाइँ
दही मथ्छ भोकै भयो झन् मदानी
अझै बढ्न थाले यहाँ बेइमानी ।
झिँगा लामखुट्टे जुका छन् असाध्य
यहाँ बाँच्नलाई भयो झन् दु:साध्य
उदाएन रातो सुनौलो बिहानी
अझै बढ्न थाले यहाँ बेइमानी ।
नदी ताल खोला रुँदै छन् डराई
घटेको घट्यै देख्छु हाम्रो तराई
सधैँ फाल्छ पासो लुकी राजधानी
अझै बढ्न थाले यहाँ बेइमानी ।
०००
दमक, झापा
Subscribe
Login
0 Comments
Oldest
