नेपाली हास्यव्यङ्ग्य अनलाइन पत्रिका

सुरेशकुमार भट्ट :

लुतोको औषधी अंगेर मुन्टा घस्नु
अंगेर मुन्टा घसेसि उठ्नु न बस्नु
सकेसम्म त सहनु पाखामा बस्नु
नसकेमा सहन रह भित्र पस्नु ।१

कोपर्दा मजा रगत आए नि हुनि
रगत आउँदा पनि आनन्दै हुनि
कस्तो हो अनौठो मज़ा लागिरहनि
कि हो लुतो कि त भने उहि त हो नि।२

रगताम्य भई मज़ा दिइरहेको
हाम्रो लोकवेदमा यस्तै छ कहेको
सुकेले कन्याउनी पक्वा अत्याउनि
अति चिलाउँछ के गरी हटाऊनि ?।३

जहॉ छ अक्कर तहिं तहिं आउँछ
छ्याः माछेको अगाडि शरम लाउँछ
पढाउँदै गर्दा हात कारखानामा
कन्याउन थाल्छ बिर्सिई सम्झनामा।४

ससुराली गो सालीले जिस्कायो भन्छे
भिनाजुको मर्म ऊसले कहँ बुझ्छे ?
कति बेईज्जती हो यो लुतोको बेथा
भेनाले लुतो कन्या बिचरा के थाहा ?।५

लुतो सुतो खटिरा पटिरा पखाला
लैजा है पल्लो गाउँले यो अगुल्टो ला
साउने संक्रान्तिमा सबैले फलाके
आफ्नै पकेट्मा कन्याउन हात हाले।६

०००
काठमाडाैं