नेपाली हास्यव्यङ्ग्य अनलाइन पत्रिका

डा. छायादत्त न्याैपाने :

मेराे एक जना साथी छ
साथी अत्यन्त जाती छ
अभाव मेट्छु भन्छ उत्पादन गर्दैन
स्वाधीन छु भन्छ शिर उठाउँदैन
समताकाे गीत सुनाउँछ विभेद त्याग्दैन
राेजगारी दिन्छु भन्छ उद्योग खाेल्दैन
कृषिमा आत्मनिर्भर बनाउँछु भन्छ बाँझो खन्दैन
म सचेत नागरिक हुँ भन्छ देश चिन्दैन
आज मलाई सँगै हिँड भन्छ भाेलि चिन्दैन
म सेवक हुँ भन्छ स्वार्थ छाड्दैन
म त पौरखी हुँ भन्छ श्रम गर्दैन
इमानदार छु भन्छ कपट छाड्दैन
घर सजाउँछु भन्छ आँट गर्दैन
गर्छु भन्छ तर छिमेकी अनुमति दिँदैन
ऊ मलाई भन्छ हाकाहाकी भन्छ
म साेझाे मान्छे ढाँट्न जान्दिनँ
साेझाे बाेल्न आउँदैन
ऊ फेरि पनि भन्छ दाेहाेर्‍याएर भन्छ
हाे, सत्य हाे मलाई नआउने भनेकै
सत्य बाेल्न र काम गर्न हाे
अरू सबै आउँछ, आइरहन्छ
म मेरै सुरकाे मान्छे मैजस्ताे छु
हाे, साँच्चै हाे म छिमेकीबाहेक
घरपरिवार कसैलाई चिन्दिनँ
र त प्रत्येक भेटमा तिम्रो नाम साेध्छु
हाे, मेरो एक जना साथी छ
ऊ अत्यन्तै जाती छ !

०००
पर्वत, हाल : काठमाडाैं