नेपाली हास्यव्यङ्ग्य अनलाइन पत्रिका

बिन्दु दहाल मूकदर्शक :

मारे नि मान्छे चुपचाप बस्ने
आगो लगाए मनमुग्ध हाँस्ने
निष्पक्ष बोल्ने दम शून्य हो कि ?
छौँ बुद्धिजीवी सब धूर्त ढोँगी ।१

पक्रेर थुन्दा पनि वाह ! गर्ने
ती भ्रष्ट छोड्दा पनि हर्ष छर्ने
सुद्धी गुमेका अति नीच हौँ कि ?
छौँ बुद्धिजीवी सब धूर्त ढोँगी । २

बेकारका तर्कहरू छिरोल्ने
झन् एकताका जनता बिरोल्ने
आवाज चर्को हरकाल हो कि
छौँ बुद्धिजीवी सब धूर्त ढोगी ।३

आँखाहरूमा पनि दृष्टि छैन
मस्तिष्कमा सुन्दर सृष्टि छैन
चर्को गुलामी शुभ कर्म हो कि ?
छौँ बुद्धिजीवी सब धूर्त ढोँगी ।४

हत्या र हिंसातिर ध्यान मोड्न
हाम्रा पुराना दरबार तोड्न
दुष्कर्मका लागि युवा उचाल्ने
छौँ बुद्धिजीवी सब धूर्त ढोँगी ।५

०००
दमक, झापा