उत्तम विचारदेवकोटासरि !
चित्त चौडा हुने पूज्य छन् हुन् इसा हुन्न कोही महान् जातले मानिस । काण्ड हुन् वृक्षका काव्यका मञ्जरी छैन कोही यहाँ देवकोटासरि ।।
उत्तम विचार :
देहमा दैव छन् मान यो चत्वर
छोड यात्री बनी धाउनै मन्दिर ।
दिव्य सन्देश छन् सिर्जनामाभरि
छैन कोही यहाँ देवकोटासरि ।।१।
भाव गङ्गा बनी बग्दथे निश्चल
सिर्जनामा डुबी चर्चिए पागल ।
जिन्दगी अर्पिए साधनामापरि
छैन कोही यहाँ देवकोटासरि ।।२।
यी महाकाव्यका जन्मदाता कवि
नित्य साहित्यको गर्दथे पैरवी ।
भेटिएछन् भने हाल दे ए चरी
छैन कोही यहाँ देवकोटासरि ।।३।
झ्याउरे छन्दमा छन् मुनाका कथा
भोटमा धाउने लाहुरेका व्यथा ।
खाउँला भन्दथे साग सिस्नोगरि
छैन कोही यहाँ देवकोटासरि ।।४।
चित्त चौडा हुने पूज्य छन् हुन् इसा
हुन्न कोही महान् जातले मानिस ।
काण्ड हुन् वृक्षका काव्यका मञ्जरी
छैन कोही यहाँ देवकोटासरि ।।५।
०००
काठमाडाैं
हार्दिक आभार