बालकृष्ण खनालमन त फलामकै भए असल हुन्छ
बैँसले जाऊँ है भन्न लाग्यो– पीर झनै ठूलो आकाश देख्यो– आकाशजस्तै बतास देख्यो– बतासजस्तै नौनीजस्तो मेरो मनलाई जसले पायो, उसले छुन्छ त्यसैले पनि मन त फलामकै भए असल हुन्छ ।
हरिभक्त कटुवाल :
मन त फलामकै भए असल हुन्छ
न घात–प्रतिघातमा रुन्छ
न सयपत्री र बाबरीले बाटो थुन्छ
मन त फलामकै भए असल हुन्छ
कसैले चिमोट्यो–
एक कप्टेरा त्यतै टाँसियो
कसैले एउटा मुस्कान फ्याँक्यो–
उसैको पछ्यौरीमा गाँसियो
जहिले पनि जलेकै छ
जता पनि ढलेकै छ
मनको बह कसैसित नकह
कसले बुझ्छ ? कसले सुन्छ ?
मन त फलामकै भए असल हुन्छ ।
वसन्तमा वन फुल्यो, मन उतै भुल्यो
बैँसले जाऊँ है भन्न लाग्यो– पीर झनै ठूलो
आकाश देख्यो– आकाशजस्तै
बतास देख्यो– बतासजस्तै
नौनीजस्तो मेरो मनलाई
जसले पायो, उसले छुन्छ
त्यसैले पनि
मन त फलामकै भए असल हुन्छ ।
०००
Subscribe
Login
0 Comments
Oldest
