नेपाली हास्यव्यङ्ग्य अनलाइन पत्रिका

अर्काको सिर्जना सारेर, साहित्यकार हुन्छौ र महोदय ?
अर्को सर्जकलाई मारेर, साहित्यकार हुन्छौ र महोदय ??

सिर्जना बन्दछ धेरै–थोरै, आफ्नो मौलिकता मिसाएर
जस्ताको तस्तै ऊतारेर, साहित्यकार हुन्छौ र महोदय ?

गल्ती गरिन्छ त दुनियाँले साह्रै, नमिठो वचन लगाउँछ
सत्यलाई नि नकारेर, साहित्यकार हुन्छौ र महोदय ?

साहित्य सिर्जनामा अटुट साथको लेनदेन हुनु नै पर्छ
साथ दिनेलाई पछारेर, साहित्यकार हुन्छौ र महोदय ?

सिर्जनाका लहरा तानिन्छ, समर्पित पवित्र भावनाले
केवल लात्ती बजारेर, साहित्यकार हुन्छौ र महोदय ?

खोज्नु पर्छ सोध्नु पर्छ, भरिन्छ तब ज्ञानको भण्डार
थाहा छैन भनी टारेर, साहित्यकार हुन्छौ र महोदय ?

बसेरी ५ , धादिङ