नेपाली हास्यव्यङ्ग्य अनलाइन पत्रिका

हामीले बिरासतमा पाएको
पुर्खाहरूले जतन गर्दै हुर्काएको
त्यो सुन्तलाको रुख
त्यो रुख कसैलाइ छहारी दिन मात्र होइन
त्यहाँ सुन्तला फल्नु पर्छ ।
ऐँजेरु लाग्न थालेको त्यो रुख
अब सुन्तला फल्न घटदै जाँदो छ ।
ऐँजेरु बढ्दै गए त बोट नै सखाप हुन्छ
बरु त्यो ढालेरै भए पनि नयाँ रुख रोप्नु पर्ने हुन्छ
नयाँ रुख लगाऊ, बरु पर्ख त्यो रुख हुर्कनु पर्छ
जे जस्तै भए पनि फल त राम्रोसँग फल्नु पर्छ ।

पुरुष हुँ भनेर देखाउनकै लागि दाह्री पालेको हो भने,
दाह्री चिलाउन थालिसकेको जस्तो छ
शक्तिदायिनी दुर्गा बनेको देखाउन मात्रै चुरा लगाएको हो भने
चुरा चुकिसकेको जस्तो छ ।
चिलाएको दाह्री धोइपखाली गर कन्याएर नबस
धोइपखाली पनि चिलचिलाहट जाँदैन भने फालिदेऊ दाह्री,
दाह्री पाल्दैमा कोही पुरुष हुँदैन ।
चुकेको चुरा भिरेर नबस ।
चुरा लगाउदैमा कोही नारी हुँदैन ।

ओहिओ, न्युयोर्क