पुरूषाेत्तम सिग्देलम त छक्क पर्छु !
सपना झैँ विपना, म त छक्क पर्छु
भै रहन्छ सम्झना, म त छक्क पर्छु !
लत्याएर थुक्छन्, फेरि त्यही मूर्तिमा
गर्छन् पूजा अर्चना, म त छक्क पर्छु !
हाडनाता मिची, भोग्छन बेसुर बनी
कस्तो पापी तिर्सना, म त छक्क पर्छु !
कतै फूलै फूल छ, कतै काँडै काँडा
क्या विचित्र सिर्जना, म त छक्क पर्छु !
जस्को भलो चितायो, उल्टै आफैँलाई
लाउँछ झन् लान्छना, म त छक्क पर्छु !
बसेरी ५, धादिङ
Subscribe
Login
0 Comments
Oldest
