नेपाली हास्यव्यङ्ग्य अनलाइन पत्रिका

आऊ हामी फेरि अर्को झगडा गरौँ
झिकी नयाँनयाँ निहूँ लफडा गरौँ ।

अण्डा फोर्ने सानो/ठूलो कतापट्टि भनी
रगत्पच्छे हुन्जेल नाक रगडा गरौँ ।

दिनपछि रात कि रातपछि दिन भनी
निधो गर्न सुर्की बाँहाँ अखाडा झरौँ ।

जुध्नु साँढे मिच्नु बाछा नयाँ हो कहाँ ?
तिन्कै पौरख–पासिनाले जबडा भरौँ ।

पुख्र्यौली हो झगडा हाम्रो धर्माचार यही
हुन्न छोड्नु बरु झन्झन् तगडा गरौँ ।

छोडी यात्रा गर्दै जात्रा हँसाई दुनियाँ
‘बानी आफ्नो छोड्छ को ?’ भन्दै बखेडा गरौँ ।

जोरपाटी, काठमाडौं