प्रकाशमणि दहालसलाम यो बुद्धिलाई
आएका हुन् इतिहासमा पनि यस्ता धेरै वीरहरू । यत्तिको भने कोही थिएन भ्रुणमै सपना तुहाउने ।।
सयलाई हँसाउन करोडलाई रुवाउने ।
मानेँ यो सीप तिमीजस्तैलाई सुहाउने ।।
आफू तारे होटेलमा मन नपरीनपरी हातमुख जोडी ।
जनतालाई अभावैअभावको खीर पुरी खुवाउने ।।
आएका हुन् इतिहासमा पनि यस्ता धेरै वीरहरू ।
यत्तिको भने कोही थिएन भ्रुणमै सपना तुहाउने ।।
गुन्द्रुक भएर के सबै सपना मान्छेले साँचेका ?
कसले भेट्ने तिम्रो कलालाई भावनै कुहाउने ?
हजारका माला, लाखका सवारी, करोडका गाडी ।
सलाम यो बुद्धिलाई रगतमा खेल्ने, आँसुमा नुहाउने ।।
काठमाडौं
Subscribe
Login
0 Comments
Oldest
