नेपाली हास्यव्यङ्ग्य अनलाइन पत्रिका

सलाईका बट्टा आकृतिका घरहरू
बाटो भनौदा गल्लीहरू
एक हात पनि छाड्न नसक्ने मानिसहरू
ठीकै गर्यो,
तिम्रो मिचाहा प्रवृतिलाई
एक हुल बुलडोजरहरूले ।

वनमा बाटो विस्तार गर्दा
काटिएर ढलेका रुख जस्तै थिए
घरका अवशेषहरू
बन्चरोको धारले चौटिएका
काठका टुक्रा जस्तै भएका थिए
नगरवासीका क्रुद्ध मनहरू
रुखको ढलाई सँगै छिमेकी रुखमा
बसाई सरेका चराहरू जस्तै थिए
घरबाहालकर्ताहरू,
कोही सिमलका रुखहरूमा
कोही सिसौका रुखहरूमा
अनि कोही झाडीहरूमा ।

भत्केका भित्ताहरूका पिलरमा
अडेस लागेर
उभिएका थिए रङ्गी विरङ्गी साईनबोर्डहरू
देखाउँदै थिए ठमेल, लैनचौर र दरबारमार्गहरू
सायद त्यो चौडा पारिएको सडकमा
अटेन होला साँघुरा पसलहरू ।

सौराहा, चितवन