नेपाली हास्यव्यङ्ग्य अनलाइन पत्रिका

स्वतन्त्रता, समानता र भाइचारा छैनन् अब
सम्मानले पूज्नलायक ध्रुवतारा छैनन् अब

सतसङ्गले डाँडो काट्यो पापाचार भो जताततै
हेला भए सन्त बाणी अमृत धारा छैनन् अब

स्वार्थी भए सत्ताधारी लोभ लालच बढ्यो धेरै
नेता चड्छन आफ्नै गाडी सर्वहारा छैनन् अब

ममताको धज्जी उड्यो कर्तव्यलाई कुल्चिनाले
माता रुन्छिन आँसु झार्दै दुधको भारा छैनन् अब

उत्ताउला र छाडा तस्वीर टाँस्न थाले भित्ताभरि
ज्ञान बुद्धि भरिएका मिठा नारा छैनन् अब

सुधार गरौँ विसङ्गति लेख्ने कोशिस हुन्छ मेरो
कसैले नि नठान्नुस् है ‘कोमल’ प्यारा छैनन् अब

पुरानो नैकाप, काठमाडौं
हाल : न्युयोर्क, अमेरिका