साइबर अपराध सम्बन्धी सचेतना सामग्री

खै के कविता लेख्नु ?

Nepal Telecom ad

म पनि कविता लेख्छु भन्छु
कलमको बिँड समाएर ठसठसी कन्छु
टाउकाको भेट्नु घुमाएर वरिपरि हेर्छु
एक किलो मिटर लामो सास फेर्छु
तै पनि कविता नै फुरेन
कविताको घुम्टो उघार्ने साइत नै जुरेन
कस्तो होला त्यो कविताको भेट्नु
केको बारेमा पो मैले कविता लेख्नु ?
गाउँका थोत्रे छाप्राको बारेमा लेखूँ कि ?
शहरका झिलमिले महलको बारेमा लेखूँ
सडक पेटी र गल्लीका नालीको बारेमा लेखूँ कि ?
पुलका लठ्ठा, सिमेन्ट र जालीको बारेमा लेखूँ
नाना रङ दल्ने सोल्टिनी र सालीको बारेमा लेखूँ कि
कुल्ली, ड्राइभर र मालीको बारेमा लेखूँ ?
कविता लेख्छु भन्छु तर कस्तो हुन्छ कविताको भेट्नु ?
केको बारेमा पो कविता लेख्नु
नागासाकी र हिरोसिमाको बारेमा पो लेखूँ कि,
रोल्पा रुकुम र प्यूठानको बारेमा लेखूँ
ती माइलाबाको फाटेको चप्पल र
धोतीको बारेमा लेखूँ कि ?
डिङ्गो ड्याम्स र रङ्गिला बुटको
लोतीको बारेमा लेखूँ ?
बालुवाटार र सिंहदरबार कुद्ने
काला पजेरोको बारेमा लेखूँ
साँच्चिकै कविता लेख्छु भन्छु
तर खै कस्तो चैँ होला त्यस्को भेट्नु ?
केको वारेमा पो मैले कविता लेख्नु ?
जति खोज्दा पनि पाइन
कविताको पाप्रो उक्काउनसम्म जानिन
म कहाँ गएर पो देख्नु ?
खै केको बारेमा पो कविता लेख्नु ?

भोजपुर, दिङ्ला

Subscribe
Notify of
guest

0 Comments
Oldest
Newest Most Voted
Nepal Telecom ad
फेरि पनि फेल

फेरि पनि फेल

लक्ष्मण लम्साल
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
0
Would love your thoughts, please comment.x
()
x