मरुभूमि नारायणछोरोे नेता जस्तो छैन
ठिक्क मात्रै खान्छ मेरो छोरो ज्ञानी छ
सबले भन्या मान्छ मेरो छोरो ज्ञानी छ ।
हाम्रा नेताहरू जस्तो छैन उसको बानी
आमा देउता ठान्छ मेरो छोरो ज्ञानी छ ।
कैल्यै मिति सार्दैन ऊ गृहकार्य गर्न
सधैं स्कुल जान्छ मेरो छोरो ज्ञानी छ ।
झुक्दैन ऊ कसैसँग, मिल्छ सबैसँग
असल मित्र छान्छ मेरो छोरो ज्ञानी छ ।
आफैं खाउँ आफैं लाउँ कैल्यै भन्दैन ऊ
सबलाई सँगै तान्छ मेरो छोरो ज्ञानी छ ।
निलकण्ठ, धादिङ
Subscribe
Login
0 Comments
Oldest
