सुदन लुइटेलज्यानमारा उस्तै छन्
जुनै तन्त्र आए पनि नेताहरूका पारा उस्तै छन्
दस बर्ष पिल्सिएको डोल्पा दुनै र खारा उस्तै छन् ।
फेरिने छ पशुपति, बनाउलान् गिर्जाघर यहाँ,
घुष, भत्ता पचाउने मन्त्रीहरूका नारा उस्तै छन् ।
सुर ताल उस्तै हुन्छ, लुटतन्त्रको नाममा आखिर,
फेरिँदै छन् शहर बजार तर फेवा रारा उस्तै छन् ।
विकास अनि परिवर्तन हुन्छ भन्ने हिजो तिमी,
अब फूर्ति नदेखाऊ, गगनमाथि तारा उस्तै छन् ।
गाउँ पाखा पँधेरा नि उजाड्–उजाड् लाग्छन् अचेल,
भोट माग्ने राष्ट्रघाती नेता अनि ज्यानमारा उस्तै छन् ।
झापा
Subscribe
Login
0 Comments
Oldest
