नेपाली हास्यव्यङ्ग्य अनलाइन पत्रिका

आखा नझिम्काई बस्नु अरे आदेश आ’छ माथिबाट
कानुन चाँडै आउँदैछ रे हजुरबा हैन नातिबाट
लाट्कोसेरो दिउँसै उँग्ने मान्छे दिउँसै राति
मेरो लागि त मान्छे भन्दा लाटकोसेरै जाति ।

हावा चल्दा किन तर्स्यो प्रधानमन्त्री क्वाटर
बानेस्वरमा बासिरेछन् भ्यागुत्ताले ट्वारट्वार
शङकै लाग्छ माघ आठमा संविधान झर्ला ?
खबरदार छ देशको कानुन कठ्याङग्रिदै मर्ला ।

भ्रष्टाचारले साझालाई बजाइदियो बाजा
सृजना र कृति जति ककसको भो खाजा ?
दुक्का भन्दा एक्का ठुलो हुन्छ जहिले पनि
एक आधलाई दम दिएर हुन्छ एकेडेमी ।

प्रज्ञा हुन बौद्धिकताको किन खोजौँ मात्रा ?
मैले पनि थालो पार्टी मुख्यालय यात्रा ।
हाल–काठमाडौं