नेपाली हास्यव्यङ्ग्य अनलाइन पत्रिका

एक
अभावैले बनेका हुन् चोर, फटा, डाँका
धृतराष्ट्रकै भयो राज्य बन्दैन केही खाका
भ्रष्ट, बेइमान, दलालको हातमा छ राज्य
फाट्यो हीराजस्तो देश भनेर के साध्यै ।

दुई
भाषणले भरिँदैन भोकाएको भुँडी
सत्ता तिम्रो पेवा हो र गर्छौ लुछाचँुडी
अलिकति सोच नेता देश नै हो ठूलो
कति तान्छौ आफैंतिर स्वार्थको त्यो कुलो ।

तीन
टारीखेत, पाखाबारी बेची पढो साथी !
ठानेकोथो पढेपछि पुग्छु धेरै माथि
धेरैपल्ट लडो म त देशमै पाउँन काम
नातावाद, कृपावादलाई मात्र रहेछ ठाम ।

चार
राष्ट्रलाई धात गर्ने इच्छा मेरो होइन
फाटे तिम्रो फरिया–चोलो लाउने केही छैन
आत्तिएर कतारमा फड्को मार्नु पर्यो
वाध्यताले देश छोड्दा आँसु थुप्रै झर्यो ।

बुद्धनगर, काठमाडौं