ललिता ‘दोषी’उखेल्नेछौँ पङ्ख
मर्दाखेरि केके लान्छौ ? धक फुकाएर सारा नेपालीका मन यति दुखाएर । कसरी दिऊँ परिचय नेपाली हुँ भनी पुर्यौ हाम्रो अस्तित्व नै ठूलो खाडल खनी ।
ललिता ‘दोषी’
लागेको छ मुटुभित्र
सधैँभरि तीर
झुकेको छ संसारमै
नेपालीको शिर ।
किन भयौ भ्रष्ट यस्तो
बुझनै सकिएन
विकराल आँधी अहो !
कहिल्यै रोकिएन ?
पोल्टाभरि हुँदाहुँदै
केवल जूनैजून
के पुगेन पापी तिमीलाई
चुस्यौ किन खुन ?
खोक्रो भयो देश अहो !
युवा पलायन
देख्दादेख्दै यस्तो दृश्य
मुटु चहराएन ?
धिक्कार छ तिम्रो जुनी
मान्छे बेच्ने दलाल !
कसरी सक्यौ पियाउन
कठै ! त्यो हलाहल ?
मर्दाखेरि केके लान्छौ ?
धक फुकाएर
सारा नेपालीका मन
यति दुखाएर ।
कसरी दिऊँ परिचय
नेपाली हुँ भनी
पु¥यौ हाम्रो अस्तित्व नै
ठूलो खाडल खनी ।
हाम्रै देशमै बल्छ आगो
किन सधैँभरि
हाल्छौ पासो निर्बोधलाई
मीठो चारा छरी ।
तिम्रा तिखातिखा चुच्चा
नच्यातेर हो नि !
पङ्ख फिँजाई उडेका छौ
पापी भ्रष्ट खुनी ।
उखेल्नेछौँ पङ्ख सबै
झार्छौं तलतल
त्यसपछि बग्ला नदी
गर्दै कलकल ।
०००
बुद्धनगर, बानेश्वर काठमाडाैं
Subscribe
Login
0 Comments
Oldest
