नेपाली हास्यव्यङ्ग्य अनलाइन पत्रिका

ललिता दाेषी :

मैले पनि तिम्रो जस्तै
पाए हुन्थ्यो बिल्ला
ठूलो बनी सबैलाई
पारिदिन्थे जिल्ल

आफू पर्‍यो जो लडे नि
उठाउने कवि
आफ्नो पराइ नभन्नु
राम्रो लाग्ने छवि

राम्रो भई नहुने है
लाउनु पर्ने बिल्ला
भित्र कालो भए पनि
कुरा गर्ने चिल्ला

बिल्लाको छ सान मान
त्यसैको भयो गान
बिल्ला छैन भने तिमी
कुना पस्यौ जान

लेख्न पर्ने छैन हजुर
भिरे हुन्छ बिल्ला
फुस्रै हुन्छन् राम्रा लेखक
बिल्ला हुन्छन् चिल्ला ।

०००
काठमाडाैं