ललिता ‘दोषी’दुई–चार पेग ह्विस्की पिएँ
अहिले तिमी चुप लाग फेरि होला लफडा संस्कृतिमै आगो बाल्न भयौ तिमी तगडा स्वतन्त्रता अति भयो छाडा साँढे भयौ नि ! सबैको आँखाबाट तिमी टाढा गयौ नि !
ललिता ‘दोषी’ :
केटी :
दुई–चार पेग ह्विस्की पिएँ
अलिकति बियर
सानो मन नगराउनुहोस्
ओ मेरो डियर
के नै ठूलो काण्ड गरेँ
हाप पाइन्टमा नाच्या हो
तीजकै गीतमा मेरो हजुर
मेरै कम्बर भाँच्या हो
हिजो महिलाहरू नाच्थे
आज महिला पुरुष
केही टाउको नदुखाउनुहोस्
सुत्नुहोस् खुरुक्क
समावेशी भयो तीज
महिला पुरुष रमाउने
पहिला दरमा खीर हुन्थ्यो
अहिले झयापै गराउने
कलियुग हो माई डियर
संस्कार नि फेर्नु छ
कति बस्नु बन्धनमा
पुरानो दिन केर्नु छ
केटा :
अहिले तिमी चुप लाग
फेरि होला लफडा
संस्कृतिमै आगो बाल्न
भयौ तिमी तगडा
स्वतन्त्रता अति भयो
छाडा साँढे भयौ नि !
सबैको आँखाबाट
तिमी टाढा गयौ नि !
केटी :
बिन्ती गर्छु मेरो हजुर !
बेच्दिनँ भो संस्कृति
मेटाउँछौँ सबै मिली
झाङ्गिएको विकृति ।
०००
बुद्धनगर काठमाडौँ
Subscribe
Login
0 Comments
Oldest
