नेपाली हास्यव्यङ्ग्य अनलाइन पत्रिका

आजभोलि
मोबाइलकै छ कमाल
मोबाइलकै छ धमाल
दालभात तरकारी जस्तै
मोबाइल नभै भाको छैन
धरोधर्म कतिलाई त
मोबाइल बिना
सौच पनि आको छैन ।

बिहान उठ्यो
मुखै धोएको छैन
मोबाइल पहिले खोज्छ
साइलेन्टमा राखेर साँझ
कहाँ फाल्यो थाह छैन
बिहान हल्ला गर्दै
सबलाई सोध्छ ।

कहिले यो सुटुक्क
छोरीको कोठामा जान्छ
कहिले छोरोले बोकी लान्छ
छोराछोरीको गृहकार्य गर्ने समय
यही मोबाइल खान्छ
पत्रिका लिन जा बाबु भन्यो
टेर्दै टेर्दैन
मोबाइल देला भनी हेर्नुस् न
कसरी काम गर्छ छोराले
काम नसकी सासै फेर्दैन ।

कम्प्युटर, ल्यापटप भन्दा अहिले
मोबाइलकै मान छ
मोबाइलकै शान छ
त्यसैले होला मान्छेसँग
एउटाले नपुगेर
दुईचारै थान छ
एउटा मोबाइल एउटा मुखमा
अर्को खै कता हल्लो गर्ने हो
रिचार्ज गर्दा गर्दा
आफै डल्लो पर्ने हो ।

घरमा गयो
श्रीमतीज्यू माइत कुरा गर्न व्यस्त
छोरो पनि कुनामा बसी
गर्लफ्रेन्डसँग गफ गर्न मस्त
छोरी गेम खेल्न बसेकीे
दुध उम्लिएर पोख्खी सक्यो
कुकरको सिठ्ठी भित्तामा ठोक्की सक्यो
आफू पो भान्सामा फसेको ।

फोन थिँदै थियो
कर्लेक्स थिँदै थियो
यो मोबाइल
कुन बौलाहले बनायो
आपूm त बौलायो, बौलायो
अब सबलाई बौलाहा बनायो ।

दाङ, हाल काठमाडौं