नेपाली हास्यव्यङ्ग्य अनलाइन पत्रिका

सन्तान

पार्टीका कार्यकर्ता जस्तै हुन्
सन्तानहरू पनि
साना हुन्जेल– मर्छन् भन्ने डर !
हुर्केपछि– मार्छन् भन्ने डर !!

सूचनाको हक

सजिलो सरल हुँदा
अधिकारको कुरा,
गाह्रो साँघुरो पर्दा
काम सरो भाँडो
आफल तेरो ठाँडो !

प्रेम

पट्याँसमा अँगारले लेखेर
हजुरबाले प्रेमाभाव प्रकट गरेथे,
चिठीका भरमा भावना साटिएथ्यो
काका, बाहरूका समयावधिमा
छोराहरू कम्प्युटरमा ‘च्याट’ गर्दै
विश्वव्यापी ‘इलुइलु’ गरिरहेछन् ।।

मौसम

रेडियोले आज पानी पर्छ भन्दा
दिउँसभरि टण्टलापुर घाम लाग्छ,
कृत्रिम अभाव नभएको विज्ञप्तिसँगै
यहाँ नुनतेल र खाद्यान्न पसलमा
बिहानैदेखि उपभोक्ताको लाम लाग्छ ।

मन्थली, रामेछाप