नेपाली हास्यव्यङ्ग्य अनलाइन पत्रिका

एक
हत्याको स्थलमा बसेपछि कुनै बस्ने निहत्था ऊ त
लाछी रे ! पुरुषार्थ ता तब हुने ! ढुङ्गो छ जो वास्तव !
भन्छन् “मेल भए !” म छक्क सयदिन– को खेती अझै गर्दछन् !
“वाघे खेती” यहाँ छँदै छ गतिलै निर्विघ्न आक्रामक !

दुई

ए कान्छा ! अझ लम्फु नै ! कति जना चढ्दै पुगे लौ चुली !
कस्तो हौ ? इख छैन ! यो मरुभुईं सुख्खा छ ! राजी यहीं !
झोला भिर्न अझै सगर्व कसरी सक्छौ ? सवै हाँस्तछन् !
कोदे के भइ नै सके ! अझ तिमी भाषा र साहित्य नै ?

तिन

भन्थे “स्त्री पर नै रहुन् !” अनि उनै “देवी उनी हुन्” पनि !
मेरा ता गुरु “मुक्ति पाठ” दिनहुँ राम्रै सिकाउँदथे !
केहीका सँग मित्रता ! कति जना निक्कै पराया भए !
लौ है ! यो छ समाज ! यी गुरु दुवै ! अर्ती छ रोज्जा कुन ?

चार

भ्रष्टाचार उखेल्न तत्पर यहाँ हाम्रा ठुला देखिए !
अर्को देशतिरै कुरा अझ नयाँ पार्छन् यसै नै गरी ?!
बेस्मारी गर हल्ल्खल्ल ! यति नै जप्ता रहेछन् जप !
हाम्रो देश उता विदेशतिर नै ! यस्तै सधैं नै छ त ?

झर्रो नेपाली घर, चन्द्रगढी झापा