नेपाली हास्यव्यङ्ग्य अनलाइन पत्रिका

१. पूर्व जन्म कमाइको कुरा सुन्या\’ थियो !
हो रहे छ ! फेसबुके हुन पाइयो !

२. कस्ता कस्ता लुगा थिए !त्यसै खेर गए !
कस्तो गज्जप ! फेसबुके हुन पाइयो !

३. अलि अलि जे जानेको बाेल्न बाेलिन्थ्यो
अहिले त फेसबुके हुन पाइयो !

४. पी.एच.डी. नै साँच्चै गर्न, ठुलै तपोवल!
जे होस् !अब फेसबुके हुन पाइयो !

५. हल्लखल्ल नगरे त पच्तै पच्तैन !
गर्नु पर्दा फेसबुके हुन पाइयो !

६. बझक्कडी नछाँटे त के पच्थ्यो र खाना ?
बझक्कड ! फेसबुके हुन पाइयो !

७. भ्रष्टाचारी मुर्दावाद ! हियैदेखि कुर्ल्यो !
चोखोनितो फेसबुके हुन पाइयो !

८. सवैजना जान्ने बुझ्ने ! लाटो चाहिं को छ !
वाठो हुन फेसवुके हुन पाइयो !

झर्राे नेपाली घर, चन्द्रगढी झापा