ज्ञानुवाकर पौडेलछुच्चा कहाँ छन् ?
ढुङ्ग्रो बोकी मोही माग्ने छुच्चा कहाँ छन् ?
ढुङ्ग्रोसँगै पेट भर्ने लुच्चा कहाँ छन् ?
खोजेँ सारा लौन आमा आजै हरायो !
मैले खेल्ने आँगनीका गुच्चा कहाँ छन् ?
खाली खुट्टा बोक्छु भारी तिघ्रा बजारी !
तिम्रा जस्ता बाटुला कुर्कुच्चा कहाँ छन् ?
धोको फेरी मेख मारी बोल्यो नभन्नू !
घोची हाल्ने नाक मेरा चुच्चा कहाँ छन् ?
सोल्मारीको बासनाले आँतै रसायो …..!
पाए तान्थेँ एक घुट्को टुच्चा कहाँ छन् ?
Subscribe
Login
0 Comments
Oldest
