नेपाली हास्यव्यङ्ग्य अनलाइन पत्रिका

१. मूर्ख चाहे पीएच्डी होस् मूर्ख मूर्खै हुन्छ !
सज्जन छु भन्छ ? भन ऐनातिर हेर !

२. सरापमा पत्यार छ ? वरपर हेर !
कतै भेट्यौन नै भने ऐनातिर हेर !

३. विपत्तिमा पहिरो त गयो भने गयो !
अर्कालाई किन दोस्छौ ? ऐनातिर हेर !

४. कमाउने रोग लागे भयङ्कर लाग्यो !
म त ऊ झैं कहाँ हुँ र ? ऐनातिर हेर !

५. यो देशमा ‘लुट चल्छ ! फुट’ भयङ्कर !
मेरो घर होइन रे ? ऐनातिर हेर !

६. देश डुव्यो खर्च वढी ! कतै रक्सी बढी
तिम्रो घर केले बढ्यो ? ऐनातिर हेर !

७. घुस बढ्यो ! भ्रष्टाचार गर्जिएर बढ्यो !
बेइमान अर्को पो त ! ऐनातिर हेर !

८. तिम्रो पनि हाम्रो पनि अर्थतन्त्र सुइ !
भन्छ मिली, को पो मान्छ ? ऐनातिर हेर !

झर्रो नेपाली घर, चन्द्रगढी झापा