नेपाली हास्यव्यङ्ग्य अनलाइन पत्रिका

जनताले सधैं छिटो बनाऊ भन्छ संविधान,
कथित नेता सधैं बन्छ भन्छ संविधान ।

सहमतिको किर्ते बोली,जाल झेल मात्रै सधैं,
यस्तो चालले माघ आठमा बन्छ संविधान ?

नारी, दलित, पिछडाको, जाति, भाषी, गरीबको,
यिन्का हित गर्ने खालको बन्छ संविधान ?

धर्म निरपेक्ष कोही, हिन्दुराज्य भन्छ कोही,
यस्तो चालले लोकतान्त्रिक बन्छ संविधान ?

कोही भन्छ पहिचान, कोही हुँदैहुन्न भन्छ,
यहाँ सङ्घीयता हुने बन्छ संविधान ?

समावेशी–समानुपातिक कोही भन्छ, हुन्न कोही,
यै चालाले समाजवादी बन्छ संविधान ?

राजै चाहिने भन्छ कोही, निस्कृय हो भन्छ कोही,
यै पाराले गणतान्त्रिक बन्छ संविधान ?

जनताले सधैं छिटो बनाऊ भन्छ संविधान,
कथित नेता छिट्टै बन्छ भन्छ संविधान ।

मलाई पत्यार छैन अझै बन्छ संविधान ।
नेपालीलाई विश्वास छैन बन्छ संविधान ।
फटाहाहरू के मिल्थे र बन्छ संविधान ?
नलाङ, धादिङ