नेपाली हास्यव्यङ्ग्य अनलाइन पत्रिका

१. चारै सालमा श्री तिनको अभिषेक हेर्ने
फुच्चेदेखि लाट्ठे वुढो ! काठमाडौं देख्यो !

२. पुरस्कार थाप्न पनि केही पल्ट गयो !
अनिवार्य गोष्ठी जस्ता कति गोष्ठी देख्यो !

३. लामो लामो टुँडिखेल ! छोट्टिया’ नि देख्यो !
परेडको विविधता कस्ता कस्ता देख्यो !

४. साना साना घर छिंडी ठुला ठुला ठुला घर
जति पल्ट गयो भव्य आश्चर्यवत् देख्यो !

५. सत्य जुग जस्तो देख्यो ! कलि युग देख्यो !
क्रान्तिकारी “उनै” खाले निर्लज्ज नै देख्यो !

६. भाषण र फेसनको चमत्कारै देख्यो !
त्यागलाई विदा दिँदै गोजी भर्ने देख्यो !

७. नेपालै हो यो ! कुनै अर्को ? के हो रिमिझिमी ?
महँगी त के हो ? के हो ? अचम्म नै देख्यो !

८ जुँगे काजी जस्ता मित्र धेरै धेरै देख्यो !
इसारामै यस्तै छ है ! भने जस्तो देख्यो !
झापा, हाल काठमाडौं