नेपाली हास्यव्यङ्ग्य अनलाइन पत्रिका

कोही भन्छन्, अब त प्रकृयाबाट देउ विधान
कोही भन्छन्, सहमति गरी देउ है संविधान ।
घम्साघम्सी, कलह– झगडा, कात्तिके श्वान जस्ता
नेता छाती अबुझ शठ छन्, साउने भेल जस्ता ।।१।।

मात्रै सत्ता, सयस र मजा, अप्सरा ठान्छ भोगी
हत्या गर्छौ, जनमत यहाँ, धारणा नै छ रोगी ।
धेरै भेला, छलफल भए, छैैन निष्कर्ष–कर्स
नेपालीका, मनमगजमा, छैैन सौन्दर्य–हर्स ।।२।।

जस्को धेरै अभिमत भयो, त्यै विजेता कहिन्छन्
जल्ले धेरै, जनमत लियो, मानितोमा दरिन्छन् ।
धम्की घुर्की, डर कति पनि, लिन्न यो लोकतन्त्र ।
झर्का हिंसासित पनि यहाँ, लडछ यो लोकतन्त्र ।।३।।

बुझ्द्यौ यस्को रङ रुप छिटो, हालका रुग्ण मोर्चा
बन्ने छैैनौ असल मसला, जाँडको पाच्य मर्चा ।
जस्को थोरै मत छ उसले, उफ्रनू मूर्खता हो
मिल्दैजुल्दै, जनमत बुझे, त्यै सफा सभ्यता हो ।।४।।
धादिङबेँसी