नेपाली हास्यव्यङ्ग्य अनलाइन पत्रिका

ल्याउँदैनन् हौ संविधान त, अब के गर्ने ?
गर्नैपर्यो केहि किटान त, अब के गर्ने ?

हरेकपल्ट हाम्रो मतको खिल्ली उडाउँछन्
गर्छन् सधैं अपमान त, अब के गर्ने ?

भत्ता खाने म्याद गुजार्ने यिनको पेशा भो
गम्भीर प्रश्न भो उठान त, अब के गर्ने ?

ढाँट्ने छल्ने झुक्याउने नि सीमा हुन्छ कि ?
हदै लुच्चो यो बथान त, अब के गर्ने ?

के ख्याँस्छन् र जनताले नि ! यस्तै सोच्दा हुन्
खुब देखाए यिनले शान त, अब के गर्ने ?
धादिङ